Arbëri

Mustafa: LDK-ja ka zgjidhje për Dialogun - mbështesim taksën 100% ndaj Serbisë

Mustafa: LDK-ja ka zgjidhje për Dialogun - mbështesim taksën 100% ndaj Serbisë

Kryetari i Lidhjes Demokratike të Kosovës (LDK), Isa Mustafa, tha se institucionet e Kosovës nuk mund të kryejnë procesin e dialogut, pasi që duhet të jetë një pajtueshmëri më e gjerë e forcave politike në Kosovë.

“Duhet të ketë kyçje të forcave politike, qoftë të drejtpërdrejtë apo përmes mandatit që ato kanë marrë nga Kuvendi i Republikës së Kosovës, shoqëria civile e të tjerë në mënyrë që dialogu të përfundojë me sukses. Për neve zgjidhja më e mirë është që të shkohet në zgjedhje shpejt, që të bëhet mandatimi për dialog përmes zgjedhjeve dhe të t’i jepet besimi partive politike dhe që pastaj të gjithë të kyçen, edhe LDK-ja ta gjejë pastaj vendin e vet”, tha Mustafa të shtunën në një intervistë për televizionin publik.