Arbëri

Dyshimet rreth shpenzimeve për lobim nuk janë përcjellë në Prokurori

Dyshimet rreth shpenzimeve për lobim nuk janë përcjellë në Prokurori

Ka një muaj e gjysmë që në sirtarët e Kuvendit ndodhet një raport i hartuar nga një komision hetimor, i cili ngre dyshime për keqpërdorim të buxhetit të dedikuar për lobim. Për këtë, drejtuesit e komisionit bëjnë me gisht kah kryeparlamentari Kadri Veseli, shkruan sot Koha Ditore.

Komisioni që drejtohej nga opozita ka kryer punën në fillim të muajit të shkuar. Përmbajtja e raportit është kundërshtuar vetëm nga dy anëtarët e komisionit që i përkisnin Partisë Demokratike (PDK), të cilën kryeparlamentari Veseli e drejton. Dhe, në raport, dyshimet më të mëdha për keqpërdorim fondesh hidhen mbi eksponentë të PDK-së që kishin pushtet, sikur te ish-kryetari i kësaj partie, Hashim Thaçi, që tash është president i vendit, apo edhe te ish-zyrtarët e lartë partiakë që në periudha të ndryshme e kanë drejtuar Ministrinë e Punëve të Jashtme (MPJ).