1 perditesime
12:36

Kapsolla, tymosëse dhe bojë ndaj policisë e kryeministrisë në Shqipëri

Janë bërë një orë që kur ka nisur protesta e pestë e opozitës së bashkuar shqiptare në bulevardin “Dëshmorët e Kombit” në Tiranë.

Me parulla dhe thirrje për dorëheqjen e Edi Ramës dhe qeverisë së tij, protestuesit kanë marshuar duke rrethuar dy herë kryeministrinë.

Protestuesit kanë arritur të shembin disa rrethoja si dhe kanë gjuajtur me kapsolla e tymësose.

Gjithashtu, është gjuajtur me bojë ndaj hyrjes së kryeministrisë.

Megjithatë, deri më tani, nuk ka pasur nevojë për intervenimin e policisë.

Mbetet për t’u parë se si do të vijojë protesta.

11:56

Berisha: Protesta, cunam popullor kundër regjimit të Ramës

Ish-kryeministri i Shqipërisë Sali Berisha deklaroi për mediat gjatë protestës se së shpejti Edi Rama nuk do të mund të kthehet në zyrën e tij.

“Edi Rama përsëri ia ka mbathur, e shpejtë do jetë dita kur nuk do të mund të kthehet në zyrën e tij. Ky është cunami i vërtetë popullor, i cili po dridh nga themelet regjimin e kalbur të Edi Ramës”, tha Berisha, transmeton tch.

Ndërkohë, protestuesit në Tiranë kanë nisur një marshim në Tiranë duke rrethuar kryeministrinë e cila sigurohet nga forca të shumta policore.

Ka pasur disa tentativa për të rrëzuar barrierat para kryeministrisë.

Ka qenë edhe vet kryetari i PD-së, Lulëzim Basha, që ka ecur gjatë këtij perimetri.

Gjatë kësaj kohe janë hedhur edhe kapsolla dhe tymosëse ndaj policisë.

Po ashtu, është hedhur edhe bojë ndaj hyrjes së kryeministrisë. Marshimi ende vijon.

Image