Arbëri

Kapiteni i FSK-së, instruktor në Akademinë Ushtarake Mbretërore britanike

Foto: Ministria e Mbrojtjes
 

Bazuar në marrëveshjen ndërmjet Ministrisë së Mbrojtjes së Kosovës dhe Ministrisë së Mbrojtjes të Mbretërisë së Bashkuar, Forca e Sigurisë e Kosovës do të dërgojë oficerin, kapiten Ismail Hoxha, si instruktor në Akademinë Ushtarake Mbretërore “Sandhurst”, njofton ministria e Mbrojtjes përmes një komunikate për media.

Me këtë rast, komandanti i FSK-së, gjenerallejtënant Rrahman Rama ka pritur në zyrën e tij, kapitenin Hoxha për t’i uruar suksese dhe për t’i ofruar përkrahje të vazhdueshme gjatë angazhimit të tij në këtë akademi, e cila cilësohet si njëra ndër akademitë ushtarake më prestigjioze në botë.