Bushati: Këmbimi i territoreve, alternativë cinike në vend të integrimit në BE

Ideja e këmbimit të territoreve mes Kosovës dhe Serbisë sërish është kritikuar ashpër nga ish-ministri i Jashtëm shqiptar, Ditmir Bushati, i cili e ka quajtur këtë si një ide e shekullit 19, e cila është ofruar si një alternativë cinike në vend të afrimit me Bashkimin Evropian, shkruan sot Koha Ditore.

Bushati e tha këtë në një intervistë për gazetën vjeneze “Der Standard”, pasi u pyet nëse përkrahja e kryeministrit shqiptar, Edi Rama, për idenë e këmbimit të territoreve mes Kosovës dhe Serbisë i ka dëmtuar gjasat e Shqipërisë për hapjen e negociatave me BE-në.