Gjysmëkuvendi Foto: Alban Bujari / Koha

Gjysmëkuvendi

Fitim Gashi & Dardane Neziri 11 August 2019 08:00

Performancat pa kuorum e kanë shoqëruar gjysmëkuvendin e legjislaturës së gjashtë, e cila më 22 gusht ka vendosur ta shpërndajë veten.

Deputetët me gjysmë orari, por me rroga të plota, plus përfitime të tjera financiare, nuk ia kanë dalë të përmbushin tri funksionet themelore - ligjvënien, mbikëqyrjen dhe përfaqësimin, shkruan sot “Koha Ditore”.

Tensionet, polarizimet dhe përplasjet mes pushtetit dhe opozitës kanë thelluar degradimin e institucionit më të lartë përfaqësues. Kulmi ishte aktgjykimi i Gjykatës Kushtetuese, e cila shembi Delegacionin Shtetëror të cilin e shpiku Qeveria, e votuan partitë në pushtet dhe një pjesë e opozitës. Por kjo nuk përbënte arsyen e mjaftueshme që legjislatura aktuale të pushojë së ekzistuari.

Ishte dorëheqja e papritur e kryeministrit, e cila shtyu deputetët t’ia shkurtojnë vetes mandatin, edhe pse Kushtetuta lejon mundësinë e krijimit të një qeverie tjetër, pa shkuar në zgjedhje të jashtëzakonshme.

Në anën tjetër, të pakta janë çështjet për të cilat institucioni më i lartë do të mbahet mend, e për të cilat pati konsensus. Është votimi i ligjeve për krijimin e ushtrisë, si dhe pakoja e ligjeve që lidhet me integrimet evropiane.

(Artikullin e plotë mund ta lexoni në “E Diela me Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme