Sot shënohet Dita Botërore Humanitare dhe ajo e Fotografisë

Sot shënohet Dita Botërore Humanitare dhe ajo e Fotografisë

19 August 2019 08:29

Kombet e Bashkuara me rastin e Ditës Botërore Humanitare 2019 do të nderojë punën e grave në kriza në të gjithë botën.

“Gratë përbëjnë një numër të madh të atyre që rrezikojnë jetën e tyre për të shpëtuar të tjerët. Ato shpesh janë të parat që përgjigjen dhe të fundit që largohen. Këto gra meritojnë të kenë festë. Ato janë të nevojshme sot më shumë se kurrë për të forcuar reagimin global humanitar. Liderët botërorë dhe akterët jo-shtetërorë duhet t’iu sigurojnë atyre dhe të gjithë humanistëve mbrojtja që u jepet atyre sipas ligjit ndërkombëtar”, thotë OKB-ja.

Duke përkujtuar se gratë humane kushtojnë jetën e tyre për të ndihmuar njerëzit e prekur nga krizat, OKB thotë se sivjet kjo ditë do t’iu kushtohet heronjve të panjohur, të cilët punojnë në disa nga terrene më të vështira, duke filluar nga lufta në Afganistan e deri te siguria ushqimore në Sahel, tek ata që kanë humbur shtëpi dhe mjete jetese në vende si Republika Qendrore e Afrikës, Sudani i Jugut, Siria dhe Jemeni, shkruan ksp.

Ndryshe, kjo ditë ka për qëllim të zgjojë vetëdijen për nevojën humanitare që ka në botë.

Sipas Organizatës për Iniciativën e Zhvillimit, më shumë se 201 milionë njerëz në 134 vende të botës kanë nevojë emergjente për mbijetesë.

Rreth dy miliardë njerëz jetojnë me një mesatare prej 3.2 dollarë në ditë. Ndërsa me një të ardhur prej 1.9 dollarësh, jetojnë 753 milionë njerëz në botë.

Në vitin 2008, Asambleja e Përgjithshme e OKB-së miratoi 19 gushtin si Ditën Botërore të Ndihmës Humanitare.

Ndërkaq, po sot shënohet edhe Dita Botërore e Fotografisë.

Fotografia i ka fillimet te shpikja e Dagerrotipit (Daguerreotype), një proces fotografik i zhvilluar nga Joseph Nicephore Niepce dhe Louis Daguerre në vitin 1837, që më vonë u patentua nga qeveria franceze dhe shpikja u prezantua si “dhuratë për botën”, më 19 gusht të 1839, ndaj kjo ditë sot njihet si Dita Botërore e Fotografisë.

Me kalimin e viteve dhe me ndihmën e jashtëzakonshme të teknologjisë, fotografia ka evoluar shumë dhe sot pothuajse të gjithë janë të pajisur me një kamerë përmes të cilës mund t’i ‘ngrijnë’ momentet.

Në historinë e fotografisë shqiptare vlen të përmendet fototeka “Marubi”, e cila përfshinë fotografi të vjetra 150 vjet, e të cilat ruhen në Shkodër.

Komentet

Shto koment

Të ngjashme