Limaj e Shala takojnë Mustafën

Limaj flet pas takimit me Mustafën

Valbona Bytyqi 19 August 2019 12:20
13:40

Kreu i Nismës Socialdemokrate, Fatmir Limaj, ka folur pas takimit që zhvilloi me kryetarin e LDK-së, Isa Mustafa.

Tha të ketë qenë takim i rregullt, i cili ka pasur të realizohet të shtunën por është shtyrë shkaku i disa çështjeve personale.

“Folëm edhe për rëndësinë e procesit zgjedhor. Kosovën e presin tema të rëndësishme, duhet të jemi të kujdesshëm në fazën parazgjedhore. Kosovës i duhet një qeveri e cila kryen pune. Është një moment i rëndësishëm dhe vendi mjaft ka humbur. Është momenti që vetë procesi zgjedhor të karakterizojë seriozitetin për qeverinë e ardhshme. Nuk është mirë që fushatat të bëhen me patriotizëm e pastaj të veprohet krejt ndryshe”, u shpreh Limaj, raporton KTV.

Ai tha të kenë diskutuar me Mustafën të gjitha temat, duke shtuar bisedojnë me gjithë partnerët e më pas vendosin për mundësinë e koalicioneve.

“Procesi zgjedhor është vetëm një fazë. Kosovës i duhet një qeveri që kryen punë”, potencoi ai.

12:20

Limaj e Shala takojnë Mustafën

Image

Kryetari i Nismas, Fatmir Limaj, dhe ministri në dorëheqje i Tregtisë, Endrit Shala, kanë mbërritur në restorantin ku po qëndron kreu i LDK-së, Isa Mustafa, e i cili para pak kohësh zhvilloi një takim me kryetarin e PSD-së, Shpend Ahmetin.

Mustafa, pasi javën e kaluar takoi liderin e Vetëvendosjes, Albin Kurtin, gjatë ditës së sotme pritet t’i takojë liderët e partive tjera.

Gjerësisht është folur për një koalicion të mundshëm parazgjedhor mes LDK-së dhe VV-së, mirëpo si duket, partia e Isa Mustafës ka vendosur që të shkojë e vetme në këto zgjedhje të jashtëzakonshme, për të cilat ende s’është caktuar data.

Kjo është thënë disa herë nga zyrtarë të kësaj partie, e të njëjtën e tha edhe Shpend Ahmeti pas takimit që zhvilloi sot me Mustafën.

© KOHA. Të gjitha të drejtat janë të rezervuara.

Komentet

Shto koment

Të ngjashme