1 perditesime
12:05

Fillon intervistimi i Veselit

Kryetari i Partisë Demokratike të Kosovës, Kadri Veseli, ka filluar të intervistohet nga Prokuroria e Specializuar në Hagë.

Veseli, ish-kryetar i Kuvendit të Kosovës, ishte paraparë që të paraqitej para këtij institucioni në javën e kaluar, por për shkaqe teknike, ishte shtyrë paraqitja e tij.

Veseli, para nisjes drejt Hagës, ku ende nuk dihet se në çfarë cilësie është ftuar të paraqitet, vlerësoi këtë si një mundësi për të konfirmuar pastërtinë e luftës së UÇK-së. “Historia e UÇK-së, është historia e të drejtave të popullit të Kosovës për liri dhe pavarësi,” tha mes tjerash Veseli nga Prishtina.

08:09

Veseli sot intervistohet nga Specialja

Kryetari i Partisë Demokratike, Kadri Veseli sot do të intervistohet nga Dhomat e Specializuara dhe Zyra e Prokurorit tё Specializuar tё Kosovës lidhur me luftën e Ushtrisë Çlirimtare të Kosovës.

Paraqitja e Veselit para Speciales paraparë për datën 4 dhjetor, por siç thanë nga zyra e tij, për shkaqe teknike është shtyrë deri sot.

Lexo edhe: Veseli nuk tregon se në çfarë cilësie është ftuar në Hagë

Kreu i PDK-së u nis gjatë mesditës të së hënës për në Hagë dhe tha se ky është një moment ndërkombëtarë për të rikonfirmuar pastërtinë e luftës së popullit të Kosovës.

“Gjykata Speciale është sfidë përballë krimeve makabre serbe, por në të njëjtën kohë është një moment ndërkombëtarë për të rikonfirmuar pastërtinë e luftës së popullit të, luftës së UÇK-së. Çdo luftëtar i lirisë është krenar që ka pas fatin t’i shërbejë atdheut të vet. Edhe unë jam shumë krenar, e falënderoj Zotin për këtë. Dua të rikonfirmoj edhe njëherë se me asnjë gjë nuk e ndërroj asnjë pjesë të asaj jetës sime krenare. Historia e UÇK-së është historia e të drejtës së popullit të Kosovës për liri dhe pavarësi”, tha ai pak para nisjes.