Arbëri

Pas heqjes së masave të reciprocitetit, mallrat serbe futen lehtësisht në Kosovë

Foto: Koha
 

Importuesit nga Serbia janë futur pa problem në dielën në Kosovë. Në dokumentacionin e tyre ata nuk janë obliguar që t’i referohen Kosovës si Republikë, e as të kërkojnë leje nga Zyra Ndërlidhëse e Kosovës në Beograd për të hyrë në Kosovë. Ata nuk i janë nënshtruar as taksës. Kjo, pasi të gjitha këto vendime janë shfuqizuar nga Qeveria e udhëhequr nga Avdullah Hoti vetëm 3 ditë pas ardhjes në pushtet.

Qeveria e Avdullah Hotit një ditë më parë, në një mbledhje të kabinetit qeveritar, pa votat e partnerit të koalicionit AAK-së, ka hequr masat e reciprocitetit, siç ka thënë, për të vazhduar dialogun me Serbinë pa asnjë pengesë, raporton KOHA.