Arbëri

VV-ja thërret Hotin në interpelancë për heqjen e reciprocitetit ndaj Serbisë

 

Lëvizja Vetëvendosje ka dorëzuar në Kuvend kërkesën për interpelancë ndaj kryeministrit Avdullah Hoti për heqjen e reciprocitetit ndaj Serbisë. Në një njoftim për media, VV-ja ka kërkuar rivendosjen sa më parë të kësaj mase.

“Reciprociteti është parim ndërkombëtar që bazohet në barazinë midis shteteve. Republika e Kosovës me shpalljen e pavarësisë ka subjektivitet ndërkombëtar dhe dokumentacioni apo çdo formë tjetër ndërveprimi në marrëdhëniet ndërkombëtare nuk mund të jetë ndryshe përpos se reciproke. Barazia është parakusht, kurse reciprociteti definon shtetësinë e Kosovës në raportet me të tjerët, e sidomos me Serbinë. Është obligim shtetëror e kushtetues, përveçse në interes të shtetit që qytetarët, ndërmarrësit dhe profesionistët të trajtohen barabarësisht e pa paragjykime”, thuhet në njoftimin e Vetëvendosjes.