Arbëri

Pesë vjet nga themelimi i Speciales, shoqatat e dala nga lufta kërkojnë që ajo të ndjekë edhe serbët

Gjykata Speciale ka qenë e hapur të martën. Asaj nuk i është vënë dryni, ani se zyrtarë të lartë shtetërorë në Kosovë kishin shprehur pretendimin se me t’i mbushur pesë vjet, Speciales i përfundon mandati.
Këtë e arsyetonin duke u thirrur në paragrafin e 13 të amendamentit Kushtetues, me të cilin saktësisht pesë vjet më parë është formuar kjo gjykatë.
Por, në një përgjigje të shkruar që kjo Gjykatë ia ka dhënë KOHËS, është theksuar se do ta vazhdojnë mandatin deri sa Këshilli i Bashkimit Evropian të mos e informojë Qeverinë e Kosovës se hetimet dhe të gjitha procedurat kanë përfunduar.

Edhe juristi Ehat Miftaraj, këmbëngul se afati 5-vjeçar nuk ka kurrfarë relevance.