Arbëri

Testi i maturës mbahet më 29 gusht, MASH-i fillon përgatitjet

Edona Kutleshi

Testi i maturës i paraparë të mbahet në fund të muajit gusht nuk do të anulohet. Kështu ka vendosur të hënën Këshilli Shtetëror i maturës. Testi do të mbahet më 29 gusht në shkolla ashtu siç ishte përcaktuar muaj më parë.

Ministria e Arsimit, përmes një përgjigje me shkrim, ka theksuar se komunat janë duke i bërë përgatitjet e duhura për këtë test, siç është dezinfektimi i objekteve, furnizimi me materiale mbrojtëse, sanitare e higjienike. Për këtë proces, MASH-i ka bërë të ditur se është në koordinim edhe me Ministrinë e Shëndetësisë dhe Institutin Kombëtar të Shëndetësisë Publike, raporton KOHA.