Arbëri

Në spitalet e Kosovës 39 pacientë me COVID-19 në gjendje të rëndë

Në spitalet e Kosovës 39 pacientë me COVID-19 në gjendje të rëndë

Në klinikat në kuadër të QKUK-së dhe në shtatë spitalet e përgjithshme rajonale janë duke u trajtuar 449 pacientë të konfirmuar me COVID-19, ndërsa prej tyre janë 39 në gjendje të rëndë, njoftohet në raportin e SHSKUK-së.

Nga pacientët në gjendje të rëndë 14 janë në respiratorë dhe 25 në maska CPAP. 393 janë me oksigjenoterapi. Në total po trajtohen 610 pacientë, por 449 prej tyre janë të konfirmuar si pozitivë me COVID-19, ndërsa një numër po e pret testimin apo rezultatin.