Arbëri

Gati 300 persona vdiqën nga COVID-19 në muajin gusht në Kosovë

Gati 300 persona vdiqën nga COVID-19 në muajin gusht në Kosovë

Më shumë se gjysma e 525 vdekjeve si pasojë e koronavirusit në Kosovë janë regjistruar në muajin e gjashtë të përballjes me pandeminë. Vetëm në 31 ditët e muajit gusht 298 persona humbën betejën me virusin. Kjo paraqet një mesatare prej gati 10 vdekjesh për ditë.

Në muajin gusht Kosova hyri me 8330 raste pozitive të konfirmuara. Më 31 korrik ishin të regjistruara 227 vdekje si pasojë e virusit. Ndërsa tash, muaji i tetë i vitit po mbyllet me 13 mijë e 454 të regjistruar si të infektuar e 525 viktima. Për vetëm 31 ditë të këtij muaji, në Kosovë janë regjistruar 5124 raste të reja pozitive me COVID-19, apo me mesatare prej 165 rastesh pozitive në ditë.