Arbëri

Kështu nisi KOHA

Një kohë të re po e paralajmëronte Veton Surroi, në një përmbajtje përshkrimi që kishte bërë tri dekada më parë, kur kishte vendosur ta niste botimin e një reviste të pavarur informative. Kohën që ka dridhur pushtues e pushtete.

 

Një kohë të re po e paralajmëronte Veton Surroi, në një përmbajtje përshkrimi që kishte bërë tri dekada më parë, kur kishte vendosur ta niste botimin e një reviste të pavarur informative. Kohën që ka dridhur pushtues e pushtete.

Është 1990-a, viti i dytë prej se diktatori i Serbisë, Slobodan Milosheviq, i kishte dërguar tanket për ta suprimuar autonominë e Kosovës. Mbijetesa e shqiptarëve ishte bërë qenësisht e pasigurt. Vendi ballafaqohej edhe me terrin absolut informativ të imponuar nga Serbia dhe pas shuarjes së mjeteve të informacionit publik në Kosovë, si pasojë e suprimimit të autonomisë.