23:52

Koci: Çdo aktakuze që i kalon afati prej 6 muajsh, mund të jetë e konfirmuar

Avokati Arianit Koci duke folur mbi aktakuzën e ngritur ndaj presidentit Hashim Thaçi dhe ish-kryeparlamentarit Kadri Veselit nga Zyra e Prokurorit të Specializuar, ka thënë se nëse kalon afati 6-mujor i konfirmimit të saj, mund të supozohet se është e konfirmuar.

“Rregullorja procedurës ia jep autoritetin prokurorit të rastit që me kalimin e afatit 6 mujor mos ta jep informacione se është konfirmuar aktakuza. Kjo kuptohet nga aktakuza e konfirmuar në qershor e Mustafës dhe tash është publikuar, pas tre muajve. Nëse kalon afati 6 muaj dhe nuk marrim informacion, më e mundshme është se aktakuza është e konfirmuar sepse kur hudhet aktakuza nuk ka dispozitë në rregullore që thotë se mund të mbahet e fshehur. Çdo aktakuzë të cilës i kalon afati 6 muaj dhe nuk kemi informacion çka ka ndodhë me të mund të supozojmë se është konfirmuar sepse ligji nuk parasheh që një aktakuzë të mbahet si informacion i fshehur”, ka thënë ai në Interaktiv të KTV-së.

Koci shton se si në rastin e Mustafës, edhe me Thaçin dhe Veselin mund të ndodhë që Prokuroia e Specializuar të lëshojë fletëarrest e jo t’i ftojë fillimisht.

“Prokurori i rastit e ka mundësinë që menjëherë ta arrestoj por edhe ta ftoj personin ndaj të cilit është konfirmuar aktakuza. Në fazën kur ngritët aktakuza deri në konfirmim, ai person nuk është i akuzuar por i dyshuar. Prokurori në këtë rast e ka vlerësuar se kështu duhet me vepru me Mustafën. Besoj se këtë praktikë do ta përdorë edhe në rastet e tjera”.

23:48

Koci: Dikush e futi në grackë OVL të UÇK-së me dërgimin e dosjeve

Avokati Arianit Koci, ka folur edhe për dosjet e dërguara në zyrat e Organizatës së Veteranëve të Ushtrisë Çlirimtare të Kosovës.

Ai në Interaktiv të KTV-së ka thënë se ka përshtypjen që me dërgimin e këtyre dosjeve, dikush e ka futur në grackë organizatën, derisa arrestimin e krerëve të OVL të UÇK-së e ka quajtur spektakël të Speciales.

Koci ka thënë se bastisja ka mundur të realizohet pa pasur nevojë për forca të shtuara të Policisë së EULEX-it.

“Unë e kam përshtypjen që dikush i ka futur në grackë Veteranët, por edhe Zyra e Prokurorit të specializuar e ka bërë një spektakël të panevojshëm. Sa i përket (Nasim) Haradinajt e (Hysni) Gucatit, ata do t’i i ishin përgjigjur ftesës së Speciales nëse do të ishin ftuar. Unë nuk e di a është e qëllimshme por nuk ka qenë fare aksion i EULEX-it ka qenë e zyrës së Prokurorit të Specializuar”, ka thënë ai.

Koci ka thënë se EULEX-i ka mandat moniturues por i ka lënë dy njësi që i administrojnë çdo kërkesë të zyrës së Prokurorit të Specializuar.

Ai tutje ka shtuar se Gjykata Speciale është krijuar në formën që nuk kanë besim të institucionet e Kosovës.

“Është krijuar gjykatë që nuk ka asnjë kosovarë. Specialja duhet të sqarojë nëse janë dokumente autentike. Është një problem serioz. Këtu është evidente që është një lufte speciale që po zhvillohet ndaj Speciales. Është e natyrshme prej Prokurorisë që nuk deklarohen për këtë fazë, unë mendoj që ka filluar një hetim penal se si kanë rrjedh dokumentet. Opinioni publik është i shqetësuar se si po rrjedhin ato dokumente edhe nëse janë autentike dhe nëse janë të falsifikuara”, ka thënë ai.

Sipas tij, që të zbulohet ky rast, fjalën kryesore e ka Prokuroria.

23:41

Avokati Koci ngre dilemën e mandatit të Speciales

Avokati Arianit Koci ka vënë në pikëpyetje e ligjshmërinë e Dhomave të Specializuara në Hagë, që sot kryen seancën e parë publike me një të akuzuar.

Koci i ftuar në Interaktiv të KTV-së, tha se në kontaktin e parë me Specialen, ku është i akredituar si avokat, tha se do ta ngre çështjen e ligjshmërisë së saj. Për këtë, ai iu referua afateve që parashihen për veprimin e Speciales – pesë vjet nga formimi.

Ai thotë se Dhomat e Specializuara kanë një Gjykatë Kushtetuese dhe pret interpretimin e saj për këtë çështje.

“Sot ishin veprime procedurale, asgjë nuk kishe për t’u theksuar. Është me rëndësi që gjykata ta qartësojë se a ka mandat apo jo, pasi ka një konfuzion. Gjykata Kushtetuese, ajo që është në kuadër të Gjykatës Speciale, duhet ta qartësojë sa më shpejt, pasi amandamendi kushtetues e parasheh qartë se kjo gjykatë do të zgjatë pesë vjet apo më pak dhe pastaj ky amanadament kushtetues bën referenca konfuze, të orienton në një ligj që fare nuk flet për vazhdimin e mandatit. Ligji tjetër pastaj e përcakton se vazhdohet mandati derisa prej Bashkimit Evropian vjen informacioni sa janë kryer të gjitha, përfshirë edhe ankesat e të akuzuarve”, ka thënë Koci.

Në funksion të këtij qartësimi, Koci ka thënë se ishte edhe deklarata e sotme e avokatit të Salih Mustafës, që tha se do të sfidojë ligjshmërinë e Speciales.