3 perditesime
12:58

Ndërpritet mbledhja e Komisionit Hetimor për privatizim

Mbledhja e Komisionit Hetimor Parlamentar për privatizim ku po raportonte Ahmet Shala, është ndërprerë.

Kjo për arsye se nuk ka pasur kuorum të mjaftueshëm.

11:57

Murati pyet Shalën për shitjen e fabrikave të gypave në Ferizaj dhe po ashtu të Grandit

Anëtari i LVV-së në Komisionin Parlamentar për Privatizim, Hekuran Murati, e ka pyetur Ahmet Shalën, për shitjen e fabrikës së tubave në Ferizaj.

“Për shitjen e fabrikës së tubave në Ferizaj kanë qenë dy ofertues. Blerësi ka qenë Arian Hasani punëtor i thjeshtë që në pronësi të vetë ka pasur një banes dy dhomëshe, por AKP-ja ia ka shitur një aset në vlerë prej 3.66 milionë euro. Si ka ndodhur kjo pasi që e lartësuat këtë proces?” – ka pyetur Murati.

E Shala ka thënë se kushdo që ka konkurruar është dashur t’i kalojë kriteret teknike.

Murati ka pyetur nëse Hasani i ka kaluar ato kritere.

“Unë nuk e vlerësoj këtë e vlerëson bordi. Nëse dikush dyshon për atë keqpërdorim, atëherë janë të gjitha dokumentacionet në serverët e BE-së dhe aty nuk ka shkuar çdo gjë në bord pa i kaluar kriteret e kualifikimit”, ka thënë Shala.

“Ju si menaxhment a e keni vlerësuar. Arian Hasani nga fabrika e tubave ka nxjerrë 13 milionë euro investimet, pas katër vjetëve ia ka shitur kompanisë Mabetex, që ka qenë në pronës të Selim Pacollit, vëllait të Behxhet Pacollit dhe personi pavarësisht investimit 13 milionë euro e ka shit prapë atë me blerjen fillestare 3.66 milionë euro”, ka thënë Murati. “Si erdhi deri te shitja e fgabrikës së tubave kur kishte vendim të prerë të Gjykatës dhe punëtorët e kishin fituar rastin?”

Shala ka thënë se për çështje juridikime ka qenë departamenti juridik dhe oda e veçantë për privatizim.

“Nëse ka pasur ingerencë ndonjë insistucion për këtë çështje e kanë pasur këto institucione. Unë nuk e ndjej veten kompetent për të folur për këtë, mund ta thirrni kryetarin e AKP-së”, ka thënë Shala.

Murati më pas e ka pyetur Shalën edhe për shitjen e Hotel Grandit.

“Si e vlerëson shitjen e Grtandit. Ajka e aseteve që janë shitur, janë shitur në periudhën sa keni qenë edhe ju. Mund të them që është një ndër periudhat që ka sjellur më së shumti shkelje ligjore”, ka thënë Murati.

Por Shala ka thënë se çdo proces i spinoffit special në momentin që është privatizuar ka kaluar në monitorim të departamentit të veçantë në AKM për monitorik të kontratës.

E Murati ka shtuar se te kjo kemi rastin e njëjtë si te fabrika e tubave.

“Ka ofertuar një person pastaj na është shfaqur personi i njëjtë. A vazhdoni ta vlerësoni si proces të drejtë”, ka pyetur Murati.

“Si proces brenda AKM-së ka qenë absolutisht transparent, përsa i përket objektivave të veta se sa i ka arritur, për titullarin besoj që ka arritur 90 për qind, ndërsa për zhvillimin ekonomik jo në fazë të kënaqshme”, ka thënë Shala.

10:49

Shala: Dokumentet e AKP-së janë të ruajtura në arkivin e BE-së

Sejdi Hoxha, anëtar i komisionit hetimor të Kuvendit të Kosovës rreth procesit të privatizimit, e ka pyetur Ahmet Shalën nëse ka njohuri se janë djegur dosjet apo dokumentacionet e AKP-së.

Por ish-zëvendës drejtori menaxhues i AKM-së, Shala, ka thënë se gjithë dokumentacioni është i skenuar dhe ruhet në arkiva të BE-së.

“Të gjitha dokumentacionet janë të skenuara dhe ruhen në arkivin e BE-së. Frika se kanë humbur dokumentet ka qenë e madhe dhe nuk e di se pse nuk është sqaruar kjo çështje asnjëherë. AKP-ja do të duhet të kërkonte qasje në serverët e Bashkimit Evropian ku janë të gjitha dokumentacionet. Nuk besoj që të dhënat janë shkatërruar”, ka thënë Shala.

Hoxha ka thënë se ky është lajm i mirë dhe se është dëshmi që nuk e pengon procesin e këtij hetimi të Komisionit Parlamentar për Privatizim.

Hoxha më pas e ka pyetur Shalën nëse ju ka shkuar ndërmend të caktojnë çmimin fillestar për shitjen e pronave.

E Shala është përgjigjur: “Kemi pasur fatin që ekspertët më të mirë i kemi pasur në dispozicion. Pra kanë sjellë mbështetje dhe kundërshtime dhe në atë kohë është kundërshtuar kjo. Nuk kanë vendosur as çmim plafon as dysheme për shkak të përvojave të këqija të vendeve në tranzicion”.

Nënkryetari i Komisionit Hetimor Parlamentar për procesin e privatizimit, Gazmend Bytyqi e ka pyetur Ahmet Shalën nëse kishte pasur ndërhyrje të politikës dhe grupeve të procesit në procesin e privatizimit.

“Në Procesin për shpalljen e fituesit ka qenë absolutisht e pamundur për të ndikuar, sepse procesi ka qenë plotësisht anonim. Një rast që po më kujtohet është se një aset që është shitur në Mitrovicë ka pasur tenderues dhe për shkak të kohës së shkurtër e ka vendosur ofertën e vetë në një pliko në Mitrovicën Veriore dhe me një kuti të hekurt me njësi speciale e kanë sjellë këtu. Nuk ka pasur mundësi të shpallet fituesi duket e ditur se kush është sepse procesi ka qenë anonim.

10:36

Shala: Procesi i privatizimit i është përshtatur rrethanave politike e juridike

Komisioni Hetimor Parlamentar lidhur me procesin e privatizimit në Kosovë është duke e intervistuar ish-zëvendës drejtorin menaxhues të AKM-së, Ahmet Shalën.

“Unë kam qenë pjesë e procesit të privatizimit që nga viti 2002 deri më 2007. Procesi i punësimit tim është bërë me konkurs të hapur. Kam qene i punësuar i Unionit Evropian dhe jam financuar nga Unioni Evropian. Të gjitha proceset e privatizimit janë të kritikuara, fatkeqësisht asnjëra nuk e mbërrin objektivin për të cilin janë dizajnuar. Procesi i privatizimit i është përshtatur rrethanave politike dhe juridike. Pa marrë parasysh kritikave që ka pasur si proces ka qenë më transparent dhe me i pa manipulueshëm i mundshëm, flas për periudhën sa kam qenë aty. Kriteri subjektiv pothuajse është anashkaluar plotësisht”, ka deklaruar Shala.