Arbëri

Hoti godet Kurtin: Ata që kanë probleme me ligjin s’mund të marrin poste publike

Hoti godet Kurtin: Ata që kanë probleme me ligjin s’mund të marrin poste publike
 

Kandidati i Lidhjes Demokratike të Kosovës për kryeministër, Avdullah Hoti, ka thënë se ata që kanë problem me ligjin nuk mund të marrin poste publike duke iu referuar vendimeve të Komisionit Qendror të Zgjedhjeve dhe Panelit Zgjedhor për Ankesa dhe Parashtresa që ia pamundësojnë kandidimin për deputet personave të dënuar për vepër penale në tri vitet e fundit. Në këtë listë hyn edhe Albin Kurti, kandidat i Lëvizjes Vetëvendosje për kryeministër.

“Vendimet e organeve të drejtësisë duhet të respektohen. Mund të nënkuptohet gjithqysh, por s’është fokusi im aty. Dëshira ime është të ballafaqohem me të gjithë kandidatët për kryeministër, të gjithë ata që garojnë duke i përmbushur ligjet. Është e qartë, gjithkush që ka problem me ligjin s’mund të kërkojë post publik dhe s’mund të dalë para qytetarëve”, ka thënë ai pas homazheve në Ditën e Përkujtimit të Holokaustit.