Arbëri

Kronika Zgjedhore/ Mustafa: Vetëm LDK-ja siguron përmbylljen e plotë të shtetësisë

 

Lidhja Demokratike e Kosovës e ka përmbyllur virtualisht fushatën për zgjedhjet e parakohshme parlamentare në disa qytete të Kosovës njëkohësisht. Kreu i kësaj partie, Isa Mustafa, ka thënë se vetëm LDK-ja e bën shtetin funksional dhe siguron përmbylljen e plotë të shtetësisë. Kurse kandidati për kryeministër, Avdullah Hoti, u bëri thirrje qytetarëve për mbështetje masive të LDK-së, duke thënë se kundërkandidatët e tij kanë bërë vetëm propagandë

Prishtinë, 12 shkurt - Ndryshe nga partitë e tjera, Lidhja Demokratike e Kosovës (LDK) ka zgjedhur që përmbylljen e fushatës zgjedhore ta bëjë në mënyrë virtuale, pa grumbullim të qytetarëve. Videoja përmbyllëse është transmetuar të premten në ekrane, nëpër disa qytete në Kosovë.

Në videon përmbyllëse, kreu i LDK-së, Isa Mustafa, ka deklaruar se kandidati për kryeministër, Avdullah Hoti, është personalitet i matur dhe i sprovuar në detyrat më të rëndësishme shtetërore.