Arbëri

Osmani: S’duhet të prodhojmë brez të ri të mërgimtarëve, por të kontribuuesve për atdheun

Osmani: S’duhet të prodhojmë brez të ri të mërgimtarëve, por të kontribuuesve për atdheun
Foto: Alban Bujari / KOHA
 

Duke kërkuar unitet, përkushtim, vullnet e atdhedashuri për të mbrojtur shtetin në çdo rrethanë, ushtruesja e detyrës së presidentes, Vjosa Osmani, ka thënë se Kosova ka nevojë për të krijuar një brez të ri të kontribuuesve për të mirën e atdheut.

Në manifestimin qendror të Forcës së Sigurisë së Kosovës, Osmani ka thënë në 13-vjetorin e Pavarësisë së shtetit se pa “rezistencën e prirë nga presidenti Ibrahim Rugova, sakrificën sublime të Ushtrisë Çlirimtare të Kosovës, familjes Jashari e të gjithë heronjve dhe popullit të Kosovës, liria e Kosovës do të mbetej vetëm ëndërr”.