Komunitetet kërkojnë reagimin e ndërkombëtarëve për manipulimin e Listës Serbe

Osman Gjueviq nga partia boshnjake Nasa Iniciatijva ka kërkuar reagimin e ndërkombëtarëve për rezultatet e zgjedhjeve parlamentare të 14 shkurtit, ku parti të caktuara të komuniteteve tjera morën vota në qytetet ku jetojnë vetëm serbët. Për këtë parti të shumta kanë akuzuar se ka pasur manipulim nga Lista Serbe.

Ai ka thënë se kjo është shkelje e Kushtetutës së Kosovës, teksa ka paralajmëruar ndjekjen ligjore.

Gjueviq ka bërë thirrje që për rastin të reagojnë institucionet relevante dhe ndërkombëtarët.

“Ne do t’i përdorim të gjithë mekanizmat ligjor për të garantuar vendet tona. Ftojmë institucionet relevante dhe ndërkombëtarët që të reagojnë ndaj kësaj çështje dhe të sigurojnë që mos shkelen të drejtat tona të garantuara me Kushtetutë”, ka thënë ai.

Parti boshnjake e rome kanë akuzuar Listën Serbe se ka ndikuar në shtimin e votave për parti të caktuara vetëm që të shtrijë ndikimin e saj në Kuvend, përtej 10 ulëseve të veta. Këto parti kanë marrë vota edhe në rajonet ku s’ka fare banorë të këtij komuniteti.

Ka nisur marshi protestues i komuniteteve jo shumicë dhe i disa pjesëtareve të shoqërisë civile kundër “uzurpimit të vendeve të garantuara në Kuvend”.

Kjo ka ardhur pas ankesave të kandidatëve për deputetë nga radhët e komunitetit boshnjak të cilët kanë thënë se Ardiana Hoxhiq është përkrahur nga Lista Serbia.

+ 3

© KOHA. Të gjitha të drejtat janë të rezervuara.