Arbëri

Arratisja e kriminelit me veturë të prokurorisë, bashkëpunimi me të dënuarin dhe ryshfetet

Së paku gjashtë herë ka pasur problem me ligjin B. M., i cili, sipas pretendimeve të Prokurorisë Themelore, i ka dhënë ryshfet drejtorit të sekretariatit të Këshillit Prokurorial, Lavdim Krasniqi, që të ndikojë në Gjykatën Supreme që t’i ulej dënimi me kohëzgjatje rreth 3 vjet e gjysmë.

 

B.M., emër i njohur për redaksinë, dyshohet se u ka dhënë ryshfet tre zyrtarëve të KPK-së, në mënyrë që ata të ndikonin tek gjyqtarët e Supremes që t’i ulej dënimi. Ky person është i njohur për drejtësinë. Është dënuar 5 herë me vendim të formës së prerë. Siç ka mësuar KOHA, me veturë të Këshillit Prokurorial të Kosovës dy zyrtarët e këtij institucioni kishin ndihmuar arratisjen e të dënuarve për vrasje në tentativë, pa e specifikuar për kë bëhet fjalë

Së paku gjashtë herë ka pasur problem me ligjin B. M., i cili, sipas pretendimeve të Prokurorisë Themelore, i ka dhënë ryshfet drejtorit të sekretariatit të Këshillit Prokurorial, Lavdim Krasniqi, që të ndikojë në Gjykatën Supreme që t’i ulej dënimi me kohëzgjatje rreth 3 vjet e gjysmë.

“B.M., duke filluar nga viti 2018 e deri më datën 29.9.2020, në lokalin ‘Sole’, në lagjen “Dardania”, në Prishtinë, dhe në disa vende të tjera, në vazhdimësi u ka dhënë para dhe dhurata të paarsyeshme personave zyrtarë, të pandehurve Ardian Krasniqi, Marigona Berisha dhe Lavdim Krasniqi, me qëllim që të mos realizohej ekzekutimi i dënimit ndaj tij”, thuhet në dokumentet e hetuesisë.