Arbëri

Opozita dhe shoqëria civile kërkojnë që Qeveria ta ketë prioritet pandeminë

Opozita dhe shoqëria civile kërkojnë që Qeveria ta ketë prioritet pandeminë
 

Sigurimi i vetëm 24 mijë dozave të vaksinës kundër COVID-19, për qytetarët e Kosovës, po kritikohet nga shoqëria civile dhe opozita. Prej tyre është kërkuar që qeveria e re ta ketë prioritet menaxhimin e pandemisë, si dhe rimëkëmbjen ekonomike. Ndërkohë, 512 persona të moshës mbi 85 vjeç u vaksinuan brenda tri ditësh

Sigurimi i sa më shumë dozave të vaksinës kundër COVID-19, e vaksinimi masiv duhet të jenë prioritete të Qeverisë, sipas shoqërisë civile e partive opozitare.

Për Grupin për Studime Juridike dhe Politike, menaxhimi i pandemisë, vaksinimi i së paku gjysmës së popullsisë deri në fund të vitit si dhe sanimi i dëmeve ekonomike që ka shkaktuar COVID-19 janë disa nga veprimet urgjente që duhet t’i ndërmarrë Qeveria Kurti 2.