Arbëri

Kërkohet bashkëpunim në digjitalizimin e kujdesit shëndetësor

Kërkohet bashkëpunim në digjitalizimin e kujdesit shëndetësor
 

Parandalimi i sëmundjeve dhe trajtimi efikas përmes teknologjisë digjitale janë thelbësore për një shoqëri të shëndetshme, veçanërisht në këtë kohë të pandemisë, është thënë në një forum virtual organizuar nga Oda Ekonomike Amerikane e Kosovës.

Jeta Statovci, deputete në Parlamentin e Kosovës, ka theksuar se sistemi shëndetësor duhet të adaptohet me nevojat e pacientëve. Ajo më tej tha se ka pasur hapësirë të mjaftueshme për inkuadrimin e shëndetësisë digjitale në sistemin shëndetësor, mirëpo nuk është bërë edhe pse ka qenë shumë e nevojshme, veçanërisht në një gjendje të jashtëzakonshme, siç është kjo e pandemisë. Statovci tutje rekomandoi se shteti i Kosovës mund të implementojë një sistem informativ shëndetësor, si në vendet e tjera, e cila ka rezultuar efikas në këtë aspekt.