Arbëri

Finalizimi i programit qeverisës është premtuar të kryhet javën e ardhshme

 

Qeveria e Kosovës ka bërë me dije se kanë pranuar të gjitha propozimet e nevojshme për programin qeverisës nga ministritë përkatëse. Pas miratimit nga Qeveria, programi do të procedohet për miratim e për diskutim në Kuvendin e Kosovës

Ashtu siç ua kishte kërkuar kryeministri Albin Kurti, këtë të mërkurë, ministrat e kabinetit të tij i kanë dorëzuar në Zyrën e kryeministrit propozimet për programi qeverisës. Të hënën, kreu i ekzekutivit u ka dhënë kohë dy ditë që të bëjnë një gjë të tillë.

“Ju lutem që deri këtë të mërkurë në mesditë t’i dërgoni te zyra për planifikim strategjik në ZKM dhe te shefi i stafit tim, Luani, versionet finale të planeve tuaja përkatëse”, ka thënë Kurti në fund të mbledhjes së Qeverisë të mbajtur më 26 prill.