Arbëri

Opozita kritikon VV-në për vendimin e mbulimit të humbjeve të rrymës në veri

Foto: Driton Paqarada/KOHA
 

Partitë opozitare kanë kritikuar miratimin e rekomandimeve të Komisionit për Ekonomi, Industri, Ndërmarrësi dhe Tregti, ku 11 milionë euro do të ndahen nga KOSTT-i për komunat në veri për pagimin e rrymës. PDK-ja, LDK-ja dhe AAK-ja nëpërmjet deklaratave publike kanë thënë se e kundërshtojnë atë, ndërsa e kanë kritikuar Qeverinë se po dëmton buxhetin e shtetit me këtë veprim.

Nënkryetari i Kuvendit të Kosovës nga Partia Demokratike e Kosovës, Bedri Hamza ka thënë se miratimi i rekomandimeve të Komisionit për Ekonomi lidhur me kërkesën e KOSTT-it për sigurimin e mjeteve financiare për mbulimin e humbjeve në pjesën veriore të Kosovës, është në kundërshtim me qeverisjen korporative dhe ligjet në fuqi.