Arbëri

Përfshirja e Rusisë dhe e Kinës në dialog, e parealizueshme sipas shoqërisë civile

Flamujt e Kinës dhe Rusisë

E parealizueshme dhe tentim për forcim të pozitës së saj në tavolinën e bisedimeve është duke u konsideruar kërkesa e Serbisë për përfshirjen e Rusisë dhe Kinës në procesin e dialogut.

 

Deklaratat e politikanëve serbë për përfshirjen e mundshme të Rusisë dhe Kinës në dialogun me Kosovën janë duke u parë më shumë si tentativë e forcimit të pozitës së tyre karshi BE-së. Njohësit e zhvillimeve rreth dialogut vlerësojnë se një përfshirje e tillë është e parealizueshme, ndonëse bëhet thirrje për kujdes nga institucionet e Kosovës.

E parealizueshme dhe tentim për forcim të pozitës së saj në tavolinën e bisedimeve është duke u konsideruar kërkesa e Serbisë për përfshirjen e Rusisë dhe Kinës në procesin e dialogut.

Gjatë vizitës në Rusi, të hënën, kryekuvendari i Serbisë, Ivica Daçiq, ka thënë se verifikimi përfundimtar i çfarëdo marrëveshjeje me Kosovën duhet të bëhet nga anëtaret e Këshillit të Sigurimit.