Arbëri

Me shkarkimin e Dakës, pushteti bëhet shumicë në KQZ

Pushteti do të bëhet shumicë në KQZ, pas vendimit të presidentes Vjosa Osmani për ta shkarkuar kryetaren e deritashme të këtij institucioni, Valdete Daka, dhe për ta emëruar në vend të saj Kreshnik Radoniqin.

 

Paraditen e së hënës, presidentja Osmani e ftoi në zyrë tashmë ish-kryetaren e KQZ-së, Valdete Daka. Pas pak orësh e shkarkoi dhe menjëherë e emëroi kryesuesin e ri. E një ditë më vonë, e shpalli datën për zgjedhjet lokale. Këta hapa po shihen si tregues se ishte i motivuar politikisht shkarkimi, me të cilin pushtetit i sigurohet shumica në KQZ

Pushteti do të bëhet shumicë në KQZ, pas vendimit të presidentes Vjosa Osmani për ta shkarkuar kryetaren e deritashme të këtij institucioni, Valdete Daka, dhe për ta emëruar në vend të saj Kreshnik Radoniqin.

Formula kushtetuese imponon që gjatë kësaj legjislature, pushteti dhe opozita të përfaqësohen me nga pesë anëtarë në institucionin që menaxhon zgjedhjet. Në këtë situatë, vendimmarrja do të diktohej nga vota e kryetares së deritashme, të cilën Vetëvendosje që qeveris me vendin e ka akuzuar vazhdimisht se është në krah të opozitës.