Arbëri

Eksportet dhe importet kapërcejnë nivelet e para krizës me COVID-19

 

Me heqjen e kufizimeve ka filluar edhe ringjallja e ekonomisë. Të dhënat e Tregtisë së Jashtme tregojnë për rritjen e eksporteve dhe importeve gjatë pesëmujorit të parë të këtij viti. Ekonomistët thonë se trendi i rritjes së tregtisë së jashtme tregon rritjen e aktivitetit ekonomik në vend. Rritja e eksporteve dhe importeve ka dhënë ndikim pozitiv në arkën e shtetit

Tregtia e jashtme e Kosovës është ringjallur këtë fillimvit, duke tejkaluar edhe nivelet e para krizës së COVID-19.

Të dhënat e Agjencisë së Statistikave tregojnë se gjatë pesë muajve të parë të vitit u eksportuan mallra në vlerë afro 772 milionë euro. Kjo paraqet një rritje mbi 57 për qind krahasuar me periudhën e njëjtë të vitit të kaluar, kur tregtia u paralizua nga pandemia, dhe 89 për qind më shumë sesa në vitin 2019.