Arbëri

Rreth 50 mijë qytetarë kanë marrë edhe dozën e dytë të vaksinës anti-COVID

 

Në 48 mijë e 437 ka shkuar numri i qytetarëve të cilët kanë marrë edhe dozën e dytë të vaksinës anti-COVID ka bërë të ditur Ministria e Shëndetësisë të shtunën në raportin ditor. Sipas të dhënave, deri tash janë ndarë gjithsej 204 mijë e 774 doza të vaksinave kundër virusit.

Kosova vazhdon të ndajë vetëm vaksinat “Pfizer” e “AstraZeneca”. Deri vonë shteti ka kryer vaksinimet me doza të dhuruara nga aleanca COVAX dhe Bashkimi Evropian, ndërsa në fillim të javës erdhën rreth 190 mijë doza “Pfizer” të blera. Qeveria ka njoftuar se ka blerë mbi 1.2 milionë doza të kësaj vaksine, e që duhet të arrijnë deri në fund të vitit.