Arbëri

Më 21 korrik nis emetimi i bonove për diasporën

Foto: Driton Paçarada / KOHA
 

Më 21 korrik të këtij viti do të nisë emetimi i bonove të diasporës nga Ministria e Financave, proces i cili do të zgjasë deri më 18 gusht. Ministri Hekuran Murati deklaroi se bonot do të jenë 3 dhe 5-vjeçare, ku shuma totale e tyre do të jetë 20 milionë euro, derisa sipas nevojës, mund të rritet deri në 50 për qind.

“Paraditen e sotme u takuam me bankat komerciale dhe atë Bankën Qendrore (BQK) ku nëshkruan marrëveshjen për emetimin e kësaj bonoje për diasporën”, ka thënë Murati në një konferencë për media. Ai ka përmendur se gjashtë banka do të marrin pjesë në shitjen e këtij produkti, derisa blerja e mëpastajme mund të bëhet nga akterët primarë apo BQK-ja.