Arbëri

Numri i të vaksinuarve nën 7 mijë në ditë

 

Ndonëse është paralajmëruar që nga 15 qershori do të ketë vaksinim masiv me nga 15 mijë të vaksinuar në ditë, kohëve të fundit ky numër ka rënë dukshëm. Më 6 korrik ishin mbi 13 mijë qytetarë të imunizuar, e ditëve në vijim shifrat nuk e kanë kaluar 7-mijëshin

Prej 15 qershorit të këtij viti, Qeveria e Kosovës kishte lajmëruar se do të fillonte vaksinimi masiv sipas planit shtetëror. E që nga ajo ditë asnjëherë nuk u arrit numri i premtuar, madje kohëve të fundit numri i të vaksinuarve brenda 24 orëve nuk po arrin ta tejkalojë 7-mijëshin.

Arsyeja e rënies së numrit të të imunizuarve po del të jetë hezitimi i qytetarëve për ta marrë vaksinën “AstraZeneca”, edhe pse kjo e fundit është e certifikuar nga organizatat ndërkombëtare të shëndetësisë, siç janë EMA evropiane, si dhe FDA amerikane.