Arbëri

Të dielën, pritjet në Merdar nuk e kaluan 20-minutëshin

 

 E shtuna me të dielën kishin dallim të madh sa u përket pritjeve për të hyrë nga Serbia në Kosovë përmes pikës kufitare në Merdar. Të shtunën u raportua se pritjet ishin deri në 4 orë, kurse të dielën 15 deri në 20 minuta. Bashkatdhetarët që të dielën mbërritën në Kosovë u ankuan se pritjet më të mëdha i shënuan në kufij të tjerë, sidomos në atë Hungari-Serbi

Gjendje shumë më e qetë dukej të dielën në pikëkalimin kufitar në Merdar, një ditë pasi u raportua për kolona e pritje të gjata në të dyja anët e kufirit.

Sipas të dhënave të Qendrës Kombëtare për Menaxhim Kufitar, në mëngjesin e së dielës pritjet më të gjata ishin mes 15 e 20 minuta.