Arbëri

Haradinaj Kurtit: Kryeministrat nuk merren me shpronësime e vlerësime pronash

 

Kritika ndaj njëri tjetrit prej ditësh kanë nisur mes Qeverisë e partisë së Ramush Haradinajt. Shkak u bë rruga nacionale Prishtinë-Pejë, për ndërtimin e së cilës u dashtë të bëhej shpronësimi i tokave në rrugën Kijevë-Klinë-Zahaq. Ministri i Financave Hekuran Murati dorëzoi kallëzim penal për shpronësimet në kohën kur Haradinaj ishte kryeministër i Kosovës, teksa tha se u keqpërdor buxheti i shtetit duke i rritur vlerat e tokave shumë më tepër se që ishin. AAK-ja i doli menjëherë me reagim. Akuzat e Muratit i quajti propagandë.

Kryetari i AAK-së, Ramush Haradinaj, sot i është drejtuar kryeministrit Albin Kurti me një sërë pyetjesh. Në Facebook ai ka thënë se nuk ka marrë përgjigje për shumë pyetje që ka ngritur vazhdimisht.