Arbëri

Në 32-vjetorin e themelimit të LDK-së, hapet ekspozita me fotografi të Rugovës

 

Në Bibliotekën Kombëtare të Kosovës është hapur ekspozita me qindra fotografi të presidentit Ibrahim Rugova. Ekspozita ishte pjesë e aktiviteteve të zhvilluara për të shënuar 32-vjetorin e Lidhjes Demokratike të Kosovës dhe është mbështetur nga Biblioteka dhe Ministria e Kulturës.

Një kapitull i jetës së presidentit Ibrahim Rugova është kapur me aparat, aq sa ka pasur mundësi fotografi Adnan Ruhani. Ai rreth 30 vjet i ka kaluar duke fotografuar Rugovën. Të enjten një pjesë e fotografive është ekspozuar në hollin e Bibliotekës Kombëtare të Kosovës.

Mes fotografish, Rugova shihet me personalitete të shumta që ndër vite lanë gjurmë në historinë e Kosovës.