Arbëri

Mbi 1 mijë e 700 të burgosur në qendrat korrektuese, shumica të dënuar

Foto: KOHA/Ilustrim
 

Ali Gashi nga Shërbimi Korrektues i Kosovës (SHKK), ka deklaruar se në të gjitha qendrat aktualisht janë 1.738 të burgosur, 1.116 prej tyre të dënuar e 622 në paraburgim. Ai deklaroi se një pjesë e tyre kanë dorëzuar dokumentacionin për faljen nga presidentja e vendit dhe Komisioni për Vlerësim.

“Gjendja sa i përket të burgosurve është stabile, stafi korrektues e civil është duke e menaxhuar gjendjen. Kemi bërë një mobilizim sa i përket sigurisë në vend. Edhe këtë fundvit do ta përfundojmë mirë me një gjendje stabile sa i përket të burgosurve që janë vendosur. Është një pjesë e konsiderueshme që e meritojnë faljen. I kemi bërë të gjitha përgatitjet e dokumentacionin e kompletuar për falje, e kemi adresuar atë në zyrën e presidentes”, deklaroi Gashi.