Arbëri

Gjoba – e vetmja mundësi për ndëshkim të mihësve të kriptovalutave

 

Kodi Penal i Republikës së Kosovës nuk ka dispozitë nëpërmjet së cilës ndiqet penalisht moszbatimi i vendimeve të Qeverisë. Kësisoj, Policia e Kosovës gjatë tërë javës ka pasur shumë aktivitete për konfiskim të aparaturave për mihjen e kriptovalutave. Ato janë konfiskuar nga Dogana, për shkak që janë futur në Kosovë në mënyrë të parregullt.

Sekuestrim të pajisjeve, por jo edhe hetime penale, janë rezultatet e bastisjes së Policisë se Kosovës për aparaturat që përdoren për mihjen e kriptovalutave.

Pas vendimit të Qeverisë së Kosovës për ndalimin e mihjes së kriptovalutave, Policia e Kosovës ka nisur bastisje anembanë Kosovës për sekuestrim të këtyre pajisjeve.