Arbëri

Përgjigje ndaj reagimit të KPK-së lidhur me emisionin “TEMPUS”, i transmetuar më 25 janar në KTV

 

Këshilli Prokurorial i Kosovës, më datë 26 janar 2022, ka reaguar ndaj panelistëve të emisionit TEMPUS, duke deklaruar se në emision janë plasuar të pavërteta, deklarime joprofesionale, të ulëta dhe qëllimkëqija në drejtim të sistemit prokurorial të Kosovës, përfshirë konstatimet lidhur me shkresat e Ambasadës Britanike lidhur me procesin e përzgjedhjes dhe emërimit të Kryeprokurorit të Shtetit.

Për informim të drejtë të opinionit publik, siç është thënë edhe gjatë emisionit, autori i emisionit TEMPUS për këtë edicion ka ftuar Kryesuesin e Këshillit Prokurorial të Kosovës z. Jetish Maloku, Kryeprokurorin e Shtetit, z. Aleksandër Lumezi, si dhe përfaqësues të tjerë të sistemit prokurorial të Kosovës, të cilët as nuk janë përgjigjur për t’u ballafaquar para opinionit publik në Kosovë dhe për të diskutuar lidhur me një proces kaq të rëndësishëm të sistemit prokurorial, siç është procesi i përzgjedhjes dhe emërimit të Kryeprokurorit të Shtetit.