Arbëri

Prindërit ankohen për vonesa në shtesa të fëmijëve

 

Për vonesa në pagesat e shtesave të fëmijëve janë ankuar disa prindër në Kosovë. Marrja e kohës për hapjen e xhirollogarive dhe aplikimi për shtesa e deri në pranimin e aplikimit ka bërë që shumë fëmijë të humbin një pjesë të shtesave që përfitojnë nga shteti. Gjetja e bankave me mirëmbajtjen më të lirë të llogarive ka bërë që prindërit të humbin kohë deri në hapjen e llogarisë, e rrjedhimisht edhe humbje të përfitimit të shtesave për fëmijët, ka thënë në emisionin SOT në KTV, Imer Raçi, një nga prindërit që është ankuar së fundmi për këto procedura.

Nga gushti shteti ka nisur me ndarjen e shtesave për fëmijë, me 20 euro për ata nën 2 vjeç dhe nga 10 euro për ata që kanë lindur nga 1 janari 2015 e tutje. Prindërit megjithatë janë ankuar për mospagesë të shtesave.