Arbëri

Prokuroria Speciale: Janë identifikuar 44 të dyshuar për masakrën e Dubravës

Foto: Alban Bujari / KOHA
 

Prokuroria Speciale e Kosovës i është përgjigjur akuzave të deputetit të Vetëvendosjes, Enver Dugolli, për mos-hetim të masakrës së Dubravës, duke konfirmuar se janë identifikuar 44 të pandehur. Dugolli, një nga të mbijetuarit e masakrës në Burgun e Dubravës të para 23 vjetëve, të enjten në një konferencë për media kërkoi që “Prokuroria të zgjohet nga gjumi” për rastin.

Në përgjigjen e Prokurorisë Speciale bëhet e ditur se dosja penale është riaktivizuar pas ndryshimeve në Kodin e Procedurës Penale me të cilin u hoq afati i hetimeve dhe u lejua gjykimi në mungesë. Para kësaj kohe, rasti ishte i pezulluar për shkak të mungesës së të pandehurve.