Vuçiq liderëve evropianë: Mos na thoni çdo ditë ta njohim Kosovën
13:49
Vuçiq liderëve evropianë: Mos na thoni çdo ditë ta njohim Kosovën
Presidenti i Serbisë, Aleksandar Vuçiq, në Davos ka thënë se u ka kërkuar liderëve evropianë të mos kërkojnë nga Serbia përditë njohjen e Kosovës.
Në një deklaratë për media pas “Dialogut të Diplomacisë në Ballkanin Perëndimor” në kuadër të Forumit Ekonomik Botëror, Vuçiq para gazetarëve ka thënë se ka kërkuar të mos i bëhet presion Serbisë për dy çështje.
“Për shkak që jemi në rrugën evropiane, nuk mund të na kërkoni të ndryshojmë përditë politikën tonë, nëse dikush mendon se kjo është e nevojshme. Jemi falënderues për paratë dhe ndihmat tuaja, por mos na detyroni çdo ditë të dëgjojmë thirrjet që t’i vëmë sanksione Rusisë dhe ta njohim Kosovën”, ka thënë Vuçiqi, raporton gazeta serbe “Danas”.
Vuçiq ka thënë se ka folur për problemet e Serbisë dhe ka paraqitur mendime krejtësisht të ndryshme për Ballkanit nga ato që janë paraqitur nga kryeministri i Kosovës, Albin Kurti.
10:30
Vuçiq përballë Kurtit, i quan të vështira diskutimet për të ardhmen e Ballkanit Perëndimor
Presidenti i Serbisë, Aleksandar Vuçiq, që është në Forumin Ekonomik Botëror në Davos, i ka quajtur të vështira diskutimet për të ardhmen e Ballkanit Perëndimor, me liderët rajonalë e evropianë.
Ai përshkrimin e bëri në Instagram, pas pjesëmarrjes në sesionin “Dialogu i Diplomacisë në Ballkanin Perëndimor”, që u mbajt i mbyllur për publikun, e në të cilin merr pjesë edhe kryeministri i Kosovës, Albin Kurti.
Të martën, Vuçiqi u shpreh se gjithçka në këtë forum po zhvillohet rreth Ukrainës dhe krizës në Evropë.
Ai po ashtu foli për një takim të mundshëm me kryeministrin e Kosovës. Tha se e di epilogun e tij duke shtuar se “Kurti do të thotë gjëra të tmerrshme për Serbinë dhe se i ka dëgjuar ato 500 herë tashmë”.
