Arbëri

Ministria e Jashtme i çoi 300 mijë euro në vetura përmes një aktiviteti të dyshimtë prokurimi

Me një ekspres-aktivitet prokurimi, fundvitin e kaluar, Ministria e Punëve të Jashtme dhe Diasporës (MPJD) ka blerë vetura në vlerë prej 300 mijë eurosh. Dosja e tenderit dhe komunikimet brenda Ministrisë lënë dyshime për dallavere në këtë proces, meqë pazari me kompaninë fituese ishte vendosur në Ambasadën e Kosovës në Kroaci. Në këtë aktivitet tenderimi është përfshirë edhe kabineti i kryediplomates Donika Gërvalla.

 

Ministria e Jashtme kishte kontraktuar fundvitin e kaluar vetura në vlerë prej 300 mijë eurosh për misionet diplomatike dhe konsullore. Por, mbështetur në dokumentacionin që ka siguruar KOHA, ky proces prokurimi është shoqëruar me parregullsi dhe janë hedhur dyshime edhe për ndërhyrje në dosjen e tenderit, të cilën fillimisht kishin refuzuar ta nënshkruanin zyrtarët përgjegjës. Në këtë proces prokurimi ka qenë i përfshirë edhe kabineti i ministres Gërvalla

Me një ekspres-aktivitet prokurimi, fundvitin e kaluar, Ministria e Punëve të Jashtme dhe Diasporës (MPJD) ka blerë vetura në vlerë prej 300 mijë eurosh. Dosja e tenderit dhe komunikimet brenda Ministrisë lënë dyshime për dallavere në këtë proces, meqë pazari me kompaninë fituese ishte vendosur në Ambasadën e Kosovës në Kroaci. Në këtë aktivitet tenderimi është përfshirë edhe kabineti i kryediplomates Donika Gërvalla.

Më 8 dhjetor 2021, Zyra e Sekretarit të MPJD-së kishte autorizuar Xhelal Gegën për fillimin e aktivitetit të prokurimit me titull “Furnizim me vetura dhe kombi për MDK (Misionet Diplomatike të Kosovës v.j.)”. Këtë aktivitet prokurimi, Ministria e kishte zhvilluar nëpërmjet procedurës së negocimit.