Arbëri

Dorëzohen edhe rreth 100 kallëzime penale për krimet e Serbisë

 

Në Policinë e Kosovës janë dorëzuar të martën rreth 100 kallëzime penale për krime lufte të kryera nga forcat e Serbisë në Komunën e Gjakovës. Deponimin e kallëzimeve e ka bërë shoqata “Gjakova ’98 ’99”, përfaqësues të së cilës kanë thënë t’i kenë bashkëngjitur edhe shumë dëshmi, përfshirë ato për 100 persona që pretendohet se kanë kryer masakrat. E, në Polici dhe në Prokurorinë Speciale nuk kanë treguar se çfarë ka ndodhur me kallëzimet e deritashme të dorëzuara nga kjo shoqatë

Mbi 7 mijë e 300 persona që kanë qenë pjesëmarrës në kryerjen e masakrave në Komunën e Gjakovës, janë identifikuar vetëm nga shoqata “Gjakova 98’ ’99”. Emrat e këtyre personave nga e marta gjenden edhe në duart e zyrtarëve policorë, në kuadër të Departamentit për krime lufte.

Shkëndije Hoda, drejtuese e shoqatës, ka folur për emrat.