Arbëri

Shqipëria, Mali i Zi dhe Kroacia e ndiejnë mungesën e turistëve rusë e ukrainas

Radhime, Turizmi
 

Asnjë shenjë e pranisë së turistëve rusë nuk vërehet përgjatë bregut Adriatik në Malin e Zi, Kroaci e Shqipëri, në një kohë që lufta në Ukrainë dhe sanksionet ndaj Moskës i mbajnë ata larg nga vendet që dikur ishin destinacionet e preferuara për pushimet e verës.

Në Shqipëri, ku sektori i turizmit është në ankth për t’u rimëkëmbur nga pasojat e pandemisë, shpresat ishin të mëdha se viti 2022 do të ishte shumë i suksesshëm. Rreth 150 mijë turistë nga Ukraina, Rusia e Bjellorusia do t’i mungojnë Shqipërisë këtë verë si pasojë e ndërhyrjes ushtarake të Rusisë në Ukrainë.