Arbëri

Liberalizimi i vizave ndër prioritetet kryesore gjatë presidencës çeke

 

“Ballkani Perëndimor do të jetë prioritet gjatë presidencës sonë duke mbështetur procesin e anëtarësimit. Sa i përket liberalizimit të vizave, kjo temë do të jetë lartë në agjendë”, ka thënë ambasadori Pavel Bilek, gjatë një pritje për të shënuar marrjen e kryesimit të presidencës së Këshillit të Bashkimit Evropian nga Çekia. “Po ashtu për ne me rëndësi është edhe normalizimi i marrëdhënieve mes Kosovës dhe Serbisë”

Liberalizimi i vizave për Kosovë do të jetë lart në agjendën e Republikës së Çekisë, e cila nga 1 korriku mori kryesimin e presidencës së Këshillit të Bashkimit Evropian. Premtimin e ka dhënë ambasadori i këtij shteti në Prishtinë, Pavel Bilek, gjatë një pritjeje të organizuar të premten bashkë me zyrën e BE-së dhe liderë të institucioneve.

Nën moton “Evropa si detyrë: rimendo, rindërto, rifuqizo”, Bilek ka prezantuar prioritetet e agjendës çeke në gjashtë muajt e ardhshëm.