Arbëri

Propaganda ruse e serbe si mjet për pengimin në integrimet euro-atlantike

Dezinformimi dhe propaganda që përdor Rusia e Serbia karshi Kosovës kanë për qëllim dëmtimin e saj në skenën ndërkombëtare. Kështu thonë njohës të zhvillimeve, duke iu referuar deklaratave të zyrtarëve rusë për mercenarët nga Kosova dhe atyre serbë që dezinformojnë për kinse sulme ndaj serbëve në veri.

 

Përsëritja e akuzave të Rusisë dhe Serbisë duke shpërndarë edhe informata të rrejshme po bëhet me qëllimin që të pengohet perspektiva euro-atlantike e Kosovës, kanë thënë njohës të zhvillimeve. Së fundi, Kremlini zyrtar e përfshiu Kosovën në listën ku pretendon se ia ka vrarë 69 mercenarë që po luftojnë krah Ukrainës. Institucionet e Kosovës e kanë mohuar lajmin, duke e cilësuar propagandë dhe fushatë dezinformuese të shtetit rus

Dezinformimi dhe propaganda që përdor Rusia e Serbia karshi Kosovës kanë për qëllim dëmtimin e saj në skenën ndërkombëtare. Kështu thonë njohës të zhvillimeve, duke iu referuar deklaratave të zyrtarëve rusë për mercenarët nga Kosova dhe atyre serbë që dezinformojnë për kinse sulme ndaj serbëve në veri.

Njohësi i integrimeve, Demush Shasha, ka thënë se si në rastin e Rusisë, ashtu edhe të Serbisë, kemi të bëjmë me qeverisje të cilat përdorin dezinformimin dhe propagandën si instrumentet kyç për t’i ruajtur tiparet e një autokracie të konsoliduar.