Arbëri

Hill: Asociacioni duhet të shtrohet në tryezën e diskutimeve më 18 gusht

 

Ambasadori i Shteteve të Bashkuara të Amerikës në Serbi, Christopher Hill, ka thënë të premten se çështja e Asociacionit të Komunave me Shumicë Serbe duhet që të shtrohet në tryezën e diskutimeve në takimin e 18 gushtit midis krerëve të Kosovës dhe Serbisë, në kuadër të procesit të dialogut, ka raportuar e përditshmja serbe “Danas”.

Gazeta nga Beogradi ka raportuar se Hilli, gjatë një adresimi për televizionin publik të Serbisë, ka shprehur mendimin se nuk ka çështje më të rëndësishme sesa ajo se si do të jetojnë në të ardhmen serbët në Kosovë, se sa të sigurt ndihen dhe nëse duan që të mbesin në Kosovë.