Arbëri

Kurti beson se s'do të ketë nevojë për reciprocitet, sheh reflektim te Serbia

Foto: KOHA
 

Kryeministri i Kosovës, Albin Kurti, ka thënë se ekziston mundësia që më 1 shtator të mos ketë nevojë për reciprocitet për letërnjoftime me Serbinë, pasi siç ka thënë, ka mundësi që Serbia të heqë dorë prej lëshimit të dokumenteve të përkohshme në vendkalimet kufitare për qytetarët e Kosovës.

Pas takimit që ka pasur të mërkurën mbrëma, në Bruksel, me të dërguarin e Posaçëm të BE-së për dialogun Kosovë-Serbi, Miroslav Lajçak dhe të dërguarin e Posaçëm të SHBA-së pë Ballkanin Perëndimor, Gabriel Escobar, Kurti ka deklaruar se mund të ndodhë që njëjtë si për targat, Serbia të heqë dorë edhe për dokumentet.