Me ndihmën e Gjykatës Federale Kushtetuese në Gjermani, po merret një iniciativë që synon t’u mundësojë personave që janë duke qëndruar në “të zezën” të shkojnë te mjeku pavarësisht rrezikut nga dëbimi, raporton “Die Zeit”.
Detyrimi i agjencive shtetërore, që njerëzit e tillë të raportohen, po thuhet se është antikushtetuese. Ata po frenojnë, që të sëmurët të trajtohen, thotë Shoqatta për të Drejtat e Lirisë (GFF) dhe Organizata Mjekët nëpër Botë.
Së bashku po bëjnë një ankesë kushtetuese me një kërkesë urgjente për trajtimin e një burri nga Kosova me sëmundje të zemrës.
Sipas kësaj iniciative, bazuar në vlerësimet e fundit të vitit 2014, nga 180 mijë deri 520 mijë njerëz jetojnë në Gjermani pa status të rregullt qëndrimi. Bëhet fjalë për shtetas jashtë BE-së apo persona që nuk kanë shtetësi, të cilët gjithashtu nuk kanë status tolerimi dhe nuk janë të regjistruar nga autoritetet.
Disa kanë hyrë ilegalisht në vend apo janë kontrabanduar.
Të tjerët kishin qenë ligjshëm në Gjermani për një periudhë, si studentë apo bashkëshortë, por qëndruan pavarësisht se humbën lejen e qëndrimit, apo disa të tjerë nuk patën sukses me kërkesën e tyre për azil. Ata mund të punojnë vetëm “në të zezën”.
Këta persona kanë të drejtë si shembull për trajtim të kufizuar mjekësor, në raste të ndonjë sëmundje të rëndë apo si shembull gjatë shtatzënisë apo lindje. Por, prapë Mirëqenia Sociale, si paguese, duhet të lëshojë një certifikatë trajtimi.
Sipas GFF-së, të prekurit nuk po guxojnë të shkojnë atje: Paragrafi 87 i Aktit të Rezidencës, detyron që autoritetet shtetërore të raportojnë njerëzit që nuk duhet të jenë në Gjermani, te autoritetet e imigracionit apo Policia. Trajtimi i drejtpërdrejtë në spitale ofrohet vetëm në raste urgjente.
Sipas GFF-së, paditësi erdhi në Gjermani si i ri në vitet e 90-ta gjatë luftërave në Ballkan dhe nuk ka pasur një status të rregullt qëndrimi që nga viti 2017. Një vit më parë aiu iu nënshtrua një operacioni urgjent pas një sulmi në zemër. Aplikimi urgjent synon t’ia mundësojë atij trajtimin e mëtejshëm të nevojshëm.
Një vështirësi është se burri duhet të mbetet gjithashtu anonim edhe në gjykata. Gjykata në Hesse kishte refuzuar kërkesën e tij urgjente, sepse nuk kishte emrin dhe adresën e shtëpisë.
Shkollat dhe kopshtet që nga viti 2011 janë përjashtuar nga detyrimi për t’u regjistruar.
© KOHA. Të gjitha të drejtat janë të rezervuara.
